Sie sind hier:

Märchen in Mundart

For Kinner

Original Masdascha

Masterscher Vielfalt

Iewer de Tellerrand geguckt

Hunsrückisch in Brasilien

Suchen nach:

Allgemein:

Startseite

Haftungsausschluss

Impressum



HUNSRIK 941 Haloo, hier is Solange Hamester Johann. HUNSRIK XPROOCH RËTUNGS KRUPE IN TAYTXLANT Mëyer hon hayt soo kuute naychkheete fon Taytxlant kriit tas ich tas muxt xon klaych fer aych fertseele. Dieter Zimmer is em Taytxlëner fom Hunsrück, woo xon 5 ore 6 yoer mit uns xafe tuut fer ti piipel iwersëtsunge mache. Tee hot uns en email kexikt am fertseele tas ëyer te Saarlant pesuuche kang is, xtaat woo er ap xtame tuut, fer uf en fëst se mache. Er hot sich hooch erxtaunt wii er hiin khom is un „te Kotes Tiinxt ore ti mës in HUNSRIK – UNSER XPROOCH waar. Tëm noo, is tas fëst wayter kang mit HUNSRIK MUSIK un aner tings, neewe em taytx, in unser xprooch“. Er xprëcht wayter: „Fom Hunsrik xtaat un aus Lothringe, en xtaat fon Frankraych, woo foer te II Wëlts Kriich tsu Taytxlant kehëyert hot, waare aach layt too. Unser layt fange soo langsam aach aan, fer sich keeche ti tsërxteerung ore desaparecimento fon unser xprooch se weere, kenau soo tii uf te aner sayt fon te krëns, in Frankraych“. Xeen, kël? Soo siit tëyer tas Er fiile krupe pekeechënt hot woo am xafe sin fer unser xprooch leewent hale, kraat soo wii mëyer hier am xafe sin. Is eene kroose krup, ëkstra, woo formëyert is fon lauter importante persoone woo literatuur xraywe un ketichte ore poesias in HUNSRÜCK mache. Te heest „Die Bosener Gruppe“, un hot en site in te internet: http://bosenergruppe.saar.de/, woo mer yeete moonat en kexicht leese Khan woo ëne fon tëne kexrip hot. Tii tuun unich sich aus xpiile wëyer ale moonat puplitseere tuut. Tee moonat hot en fraa, Relinde Niederländer, puplitsëyert: Keprootne Taupe Ich wil awer, hat er kemënt, er waar tswaay un sii sin kerënt. Tas was er kewolt hat, waar kleen sëlich mools, un koltich un xeen. Ich wil awer, hat er kemënt, te tsuu noch kextampt un macht en flënx. Er waar acht un hat es kriit, tan waar es kuut sëlich mools, un ruu in te puut. Er waar tswansich un flot un mopil, un sii hon kemach was er wil, aus angxt foer wërter un xtreit mitlerwayl, un aach wëche te leet. Iim sëlwer is khaum was kelaunt, es is in khee aarwat kexprung. Ëyerxt këxter waar wiiter tixpuut xtune lang, wayl es auto waar kaput. Ti ëltre sin yëts alt un krum, sii xpeere, es is pal rom. Toch ëns këpts, tas raupt em ti ruu: „Wëyer soricht tan, noo uns, fer te puup? [309 KB]